پاکستان کے مختلف شہروں سے مشرقِ وسطیٰ اور اندرونِ ملک مجموعی طور پر درجنوں پروازیں منسوخ کر دی گئی ہیں، جس سے مسافروں کو شدید مشکلات کا سامنا ہے۔
کراچی، لاہور اور اسلام آباد سے خلیجی ممالک کے لیے بڑی تعداد میں پروازیں منسوخ ہوئیں، جبکہ پشاور اور ملتان سے بھی متعدد بین الاقوامی پروازیں متاثر رہیں۔
اسی طرح اندرونِ ملک فضائی سروس بھی متاثر ہوئی، جہاں کراچی، اسلام آباد اور گلگت کے درمیان کئی پروازیں منسوخ کر دی گئیں۔
حکام کے مطابق یہ منسوخیاں غیر معمولی حالات کے باعث کی گئی ہیں، جبکہ مسافروں کو ہدایت دی گئی ہے کہ روانگی سے قبل اپنی پرواز کی صورتحال ضرور چیک کریں۔