مسابقتی کمیشن نے سولر شعبے پر رپورٹ جاری کرتے ہوئے سرمایہ کاری میں حائل رکاوٹوں اور مسابقتی مسائل کی نشاندہی کی ہے۔ رپورٹ میں بجلی کے ترسیلی نظام کو بہتر بنانے اور جدید میٹرنگ و گرڈ سسٹم متعارف کرانے پر زور دیا گیا ہے۔
کمیشن نے سستی بجلی کے حصول کے لیے مسابقتی نظام کو تیز کرنے اور غیر معیاری سولر آلات کے خلاف سخت کارروائی کی سفارش کی ہے۔ دیہی علاقوں میں سولر سہولیات بڑھانے اور بیٹری ٹیکنالوجی کے فروغ کو بھی اہم قرار دیا گیا ہے تاکہ گرڈ پر دباؤ کم ہو سکے۔
مزید برآں، مقامی سطح پر سولر پینلز کی تیاری بڑھانے اور نیشنل سولر رجسٹری قائم کرنے کی تجویز دی گئی ہے، جبکہ مسودہ رپورٹ عوامی رائے کے لیے جاری کر دی گئی ہے۔