لاہور میں تین روز تک جاری رہنے والا بسنت فیسٹیول رنگا رنگ سرگرمیوں کے بعد اختتام کو پہنچ گیا۔ شہر بھر میں پتنگ بازی موسیقی، روایتی کھانوں اور خوشیوں کا سماں رہا، جہاں ہر عمر کے افراد نے تہوار کو بھرپور انداز میں منایا۔
بسنت کے آخری روز پتنگ بازی کا وقت صبح پانچ بجے تک بڑھایا گیا، جبکہ فیسٹیول کے اختتام پر امن کی علامت کے طور پر شمعیں فضاؤں میں چھوڑیں گئیں۔
کامیاب انعقاد کے بعد وزیر اعلی پنجاب نے دیگر شہروں میں بھی بسنت منانے کے امکانات ظاہر کیے، جبکہ صوبائی وزیر عظمی بخاری نے کہا کہ شہریوں نے ایس او پیز پر عمل کرکے اپنی ثقافت اور تہوار کا تحفظ کیا۔
لاہور میں بسنت فیسٹیول اختتام پذیر، رنگ، خوشی اور روایات کا جشن
