برطانیہ نے افغانستان، سوڈان، کیمرون اور میانمار کے شہریوں کے لیے طلبہ ویزوں کا اجرا عارضی طور پر بند کرنے کا فیصلہ کیا ہے۔ برطانوی میڈیا کے مطابق دیگر ممالک کو بھی ممکنہ پابندیوں سے متعلق خبردار کیا گیا ہے۔
رپورٹس میں کہا گیا ہے کہ افغان شہریوں کے ورک ویزوں کو بھی مرحلہ وار ختم کیا جا رہا ہے۔ وزیر داخلہ نے سرحدی نظام کو مؤثر بنانے اور ویزوں کے مبینہ غلط استعمال کو روکنے کے لیے سخت اقدامات کا اعلان کیا ہے۔
حکام کے مطابق پناہ کی درخواستوں میں تیزی سے اضافے کو ان فیصلوں کی بڑی وجہ قرار دیا جا رہا ہے۔