گورنر خیبر پختونخوا فیصل کریم کنڈی نے وزیراعلیٰ کی جانب سے بھجوائی گئی سمری پر دستخط کرتے ہوئے صوبائی کابینہ کی منظوری دے دی ہے۔
نئی کابینہ میں 10 وزراء، 2 مشیر اور ایک معاونِ خصوصی شامل ہیں۔ اراکین کی حلف برداری کی تقریب آج سہ پہر 3 بجے گورنر ہاؤس پشاور میں ہوگی، جہاں گورنر فیصل کریم کنڈی اراکین سے حلف لیں گے۔
کابینہ میں مینا خان، فضل شکور، فیصل ترکئی، عاقب اللّٰہ، شفیع جان، خلیق الرحمان، ڈاکٹر ریاض خان، فخر جہاں، تاج محمد ترند، آفتاب عالم، ارشد ایوب خان اور مزمل اسلم شامل ہیں۔