محکمۂ موسمیات کے مطابق کراچی میں 2 اور 3 اپریل کو بارش کا امکان ہے، جبکہ آئندہ چند روز تک موسم خوشگوار اور مطلع جزوی ابر آلود رہنے کی توقع ہے۔
ماہرین کے مطابق یکم اپریل سے ایک مضبوط مغربی ہواؤں کا سسٹم ملک میں داخل ہوگا، جس کے اثرات سندھ میں بھی بارش کی صورت میں ظاہر ہو سکتے ہیں۔
ابتدائی طور پر تیز ہواؤں اور گرج چمک کے ساتھ بارش متوقع ہے، جبکہ اس سسٹم کی شدت کا واضح اندازہ اس کے قریب آنے پر ہوگا۔ یہ سلسلہ 5 اپریل تک مختلف علاقوں کو متاثر کر سکتا ہے۔