ایران نے دعویٰ کیا ہے کہ اس نے امریکا اور اسرائیل سے متعلق اہم فوجی اور اسٹرٹیجک مقامات کو نشانہ بناتے ہوئے میزائلز، ڈرونز اور جدید ملٹی وار ہیڈ ہتھیار استعمال کیے ہیں۔
ایرانی پاسدارانِ انقلاب کے مطابق کارروائیاں دشمن کے حساس اہداف کے خلاف کی گئیں، جن میں اسرائیل کے شہر اشدود میں آئل ذخائر بھی شامل ہیں۔ ایران نے یہ بھی کہا کہ خطے میں موجود بعض امریکی فوجی اڈے، جیسے کویت، متحدہ عرب امارات اور بحرین میں واقع تنصیبات بھی حملوں کی زد میں آئیں۔
ایرانی حکام نے ان کارروائیوں کو جوابی اقدام قرار دیا ہے، تاہم امریکا، اسرائیل یا دیگر متاثرہ ممالک کی جانب سے ان دعوؤں کی تاحال تصدیق یا باضابطہ ردعمل سامنے نہیں آیا۔