لاہور کے متعدد علاقوں میں موسلادھار بارش سے گرمی کا زور ٹوٹ گیا، نشیبی علاقوں میں پانی جمع اور بجلی کی فراہمی متاثر ہوئی۔ راولپنڈی، اسلام آباد میں بھی وقفے وقفے سے بارش جاری ہے، نالہ لئی کی سطح بلند اور راول ڈیم کے سپل ویز کھول دیے گئے۔ محکمہ موسمیات نے پنجاب اور خیبرپختونخوا میں آج شدید بارش کی پیش گوئی کی ہے۔ مون سون بارشوں کے باعث ملک بھر میں اب تک 252 افراد جاں بحق اور 611 زخمی ہو چکے ہیں۔
