لیجنڈری اداکار و مصنف قادر خان نے اپنی زندگی میں انکشاف کیا تھا کہ امیتابھ بچن کے سیاست میں آنے کے بعد ان کے رویے میں تبدیلی آگئی تھی، جس کے باعث دونوں کے درمیان دوری پیدا ہوئی۔
قادر خان کے مطابق ایک پروڈیوسر نے ان سے کہا کہ وہ امیتابھ بچن کو “سر” کہہ کر مخاطب کریں، مگر وہ ایسا نہیں کر سکے۔ یہی بات دونوں کے درمیان اختلاف کی وجہ بنی اور برسوں پرانی دوستی ختم ہوگئی۔
قادر خان، جنہیں دلیپ کمار نے بالی ووڈ میں متعارف کرایا، امیتابھ کے ساتھ “امر اکبر انتھونی”، “مقدر کا سکندر” اور “ہم” جیسی کئی کامیاب فلموں میں شریکِ کار رہے۔