کراچی میں مختلف حادثات، 2 خواتین سمیت 3 افراد جاں بحق

کراچی کے مختلف علاقوں میں پیش آنے والے ٹریفک حادثات میں 2 خواتین سمیت 3 افراد جان کی بازی ہار گئے۔ سپر ہائی وے پر ٹرک اور ٹریلر کے تصادم میں ایک شخص جاں بحق ہوا، جبکہ نیو سبزی منڈی کے قریب نامعلوم گاڑی کی ٹکر سے ایک خاتون زندگی سے ہاتھ دھو بیٹھی۔
ادھر کورنگی میں ایک افسوسناک واقعے میں موٹرسائیکل کی چین میں برقعہ پھنسنے سے خاتون گر کر جاں بحق ہوگئیں۔