بالی وڈ اداکار عامر خان نے کہا ہے کہ جب کوئی فلم ناظرین کو متاثر نہیں کر پاتی تو وہ سب سے پہلے اسے تسلیم کرتے ہیں کہ فلم کامیاب نہیں ہو سکی۔
ان کے مطابق ناکامی کو ایک تخلیقی مسئلہ سمجھ کر اس کا تجزیہ کرنا ضروری ہے تاکہ معلوم ہو سکے کہ کہاں کمی رہ گئی۔ وہ ریلیز سے پہلے بھی ہدایت کاروں کے ساتھ بیٹھ کر اس بات کا جائزہ لیتے ہیں کہ فلم اپنی اصل سوچ کے مطابق بنی یا نہیں۔
عامر خان نے یہ بھی کہا کہ آج کے دور میں فلموں کی تشہیر اور اندازِ فکر بہت بدل چکا ہے، اس لیے وہ اس نئے ماحول کو سمجھنے کی کوشش کرتے رہتے ہیں۔