اداکارہ اور میزبان فضا علی کے لائیو مارننگ شو میں اس وقت دلچسپ مگر غیر متوقع صورتحال دیکھنے میں آئی جب ان کے شوہر اعجاز خان نے پروگرام کے دوران انہیں اچانک بازوؤں میں اٹھا لیا۔
یہ لمحہ اس وقت پیش آیا جب فضا علی کی بیٹی نے اپنے سوتیلے والد سے کہا کہ وہ ویسے ہی والدہ کو اٹھا کر دکھائیں جیسے گھر میں کرتے ہیں۔ اس پر اعجاز خان نے فضا علی کو کندھوں پر اٹھا لیا، جس کی ویڈیو سوشل میڈیا پر وائرل ہو گئی۔
واقعے پر سوشل میڈیا صارفین کی جانب سے ملے جلے ردعمل کا اظہار کیا جا رہا ہے، بعض نے اسے غیر مناسب قرار دیا جبکہ کچھ صارفین نے اسے محض ایک غیر متوقع اور تفریحی لمحہ قرار دیا ہے۔