ایران کی عدلیہ نے ویمن فٹبال ٹیم کی کپتان زہرا غنبری کے منجمد اثاثے بحال کرنے کا اعلان کیا ہے۔
رپورٹس کے مطابق عدالت نے یہ فیصلہ ان کے رویے میں تبدیلی اور ان کی بے گناہی کے اعلان کے بعد کیا۔ زہرا غنبری ان کھلاڑیوں میں شامل تھیں جنہوں نے رواں سال آسٹریلیا میں ایشین کپ کے دوران سیاسی پناہ کی درخواست دی تھی، تاہم بعد میں انہوں نے دیگر کھلاڑیوں کے ساتھ ایران واپسی کا فیصلہ کیا۔
اس سے قبل ان کے اثاثے منجمد کیے گئے تھے، جبکہ کچھ کھلاڑیوں پر دباؤ اور مشکلات کا بھی ذکر سامنے آیا تھا۔ اب بعض کھلاڑی وطن واپس آ چکے ہیں جبکہ دو کھلاڑی اب بھی آسٹریلیا میں موجود ہیں۔