ملک بھر میں خراب موسم نے فضائی آمدورفت کو شدید متاثر کیا ہے، جس کے نتیجے میں کئی پروازیں منسوخ جبکہ درجنوں تاخیر کا شکار ہوئیں۔ لاہور ایئرپورٹ پر صورتحال زیادہ خراب رہی جہاں کچھ پروازوں کو اسلام آباد منتقل کرنا پڑا۔ قومی اور غیر ملکی ایئر لائنز کی متعدد پروازیں شیڈول کے مطابق روانہ نہ ہو سکیں، خاص طور پر شمالی علاقوں اور بڑے شہروں کی پروازیں متاثر ہوئیں۔ اسلام آباد کراچی، لاہور اور دیگر شہروں میں مسافروں کو تاخیر اور منسوخی کی وجہ سے شدید مشکلات کا سامنا کرنا پڑا۔
