تھرپارکر میں چارہ کھانے کے تنازع پر ایک اونٹنی کو مبینہ طور پر تشدد کا نشانہ بنانے کا واقعہ سامنے آیا ہے، جس کے نتیجے میں اس کی ایک آنکھ ضائع ہو گئی۔
پولیس نے اونٹنی کے مالک کی شکایت پر 6 افراد کے خلاف مقدمہ درج کر لیا ہے، جبکہ دو ملزمان کو گرفتار بھی کر لیا گیا ہے۔ ایف آئی آر کے مطابق جانور کو کئی روز تک باندھ کر رکھا گیا اور مناسب خوراک و پانی سے بھی محروم رکھا گیا۔
واقعے کے بعد لائیو اسٹاک حکام نے متاثرہ جانور کا معائنہ کیا اور بتایا کہ اس کے زخموں کا علاج جاری ہے، تاہم ایک آنکھ کو بچانا ممکن نہیں رہا۔