وزیرِ اعلیٰ پنجاب مریم نواز کے تحت شروع کیے گئے ’شی تھریڈز پروگرام‘ کے لیے 310 ملین روپے کا بجٹ مختص کر دیا گیا ہے۔ اس پروگرام کا مقصد خواتین کو فنی تربیت فراہم کر کے انہیں روزگار کے بہتر مواقع دینا ہے۔
حکام کے مطابق پروگرام میں شامل خواتین کو 15 ہزار روپے ماہانہ وظیفہ اور ٹرانسپورٹ الاؤنس بھی دیا جائے گا۔ پنجاب کے دیہی علاقوں سے 18 سے 45 سال عمر کی مڈل پاس خواتین اس پروگرام میں شرکت کی اہل ہوں گی۔
اس منصوبے کے تحت ٹیکسٹائل شعبے سے متعلق مختلف تربیتی کورسز لاہور، سیالکوٹ، شیخوپورہ اور فیصل آباد میں جاری ہیں۔