ریاض کی فوجداری عدالت نے ایک میونسپل انجینیئر کو رشوت خوری اور منی لانڈرنگ کے جرم میں قید کی سزا سنائی۔ تحقیقات سے پتا چلا کہ ملزم، جس کی ماہانہ تنخواہ 14 ہزار ریال تھی، کے بینک اکاؤنٹ میں 55 ملین ریال موجود تھے۔ عدالت نے اس کے ساتھ چار دیگر افراد اور ایک تاجر کو بھی شریک جرم قرار دیا۔ ملزمان کو مجموعی طور پر 25 سال قید اور 1.5 لاکھ ریال جرمانے کی سزا دی گئی، جبکہ 20 لاکھ ریال رشوت اور 55 ملین ریال منی لانڈرنگ کی رقم بحق سرکار ضبط کر لی گئی۔ ملزمان کی اپیل مسترد کر دی گئی، اور پراسیکیوشن نے 28 ثبوت پیش کیے جن کی بنیاد پر فیصلہ سنایا گیا۔
