سعودی عرب میں تعمیرات اور انجینیئرنگ کے شعبے میں خواتین کی شمولیت میں نمایاں اضافہ دیکھا جا رہا ہے، جہاں سعودی وژن 2030 کے تحت بڑے پیمانے پر ترقیاتی منصوبے جاری ہیں۔
رپورٹ کے مطابق 2017 میں خواتین کی افرادی قوت میں شرح 17 فیصد تھی جو اب بڑھ کر تقریباً 35 فیصد تک پہنچ چکی ہے۔ خواتین انجینیئرنگ، پروجیکٹ مینجمنٹ اور تعمیراتی منصوبوں میں فعال کردار ادا کر رہی ہیں۔
ماہرین کے مطابق مملکت میں جاری میگا پراجیکٹس اور پالیسی اصلاحات نے خواتین کے لیے نئے روزگار اور ترقی کے مواقع پیدا کیے ہیں، جس سے تعمیراتی شعبہ زیادہ متنوع اور مضبوط ہو رہا ہے۔