سابق پاکستانی اداکارہ سارہ چوہدری نے شادی کے بعد شوبز چھوڑنے کے باوجود اپنی ازدواجی زندگی کے ناکام ہونے کی وجہ پر کھل کر بات کی ہے۔
ایک پوڈکاسٹ میں گفتگو کرتے ہوئے انہوں نے کہا کہ لوگ اکثر یہ سمجھتے ہیں کہ شوبز کو خیرباد کہنے کے باوجود ان کی شادی برقرار کیوں نہ رہ سکی، تاہم ان کے مطابق ہر انسان کی زندگی میں حالات اور فیصلے تقدیر کے تحت ہوتے ہیں۔
انہوں نے بتایا کہ انہوں نے اپنی ازدواجی زندگی کو بچانے کی پوری کوشش کی، مگر جب دونوں فریقین کو احساس ہوا کہ مزید ساتھ چلنا ممکن نہیں رہا تو باہمی رضامندی سے علیحدگی اختیار کر لی گئی۔
سارہ چوہدری کا کہنا تھا کہ انہیں اپنی زندگی کے تجربات سے یہ سمجھ آئی ہے کہ انسان کو ماضی پر پچھتاوا نہیں کرنا چاہیے، کیونکہ زندگی میں پیش آنے والے تمام حالات اللہ کی مرضی اور تقدیر کا حصہ ہوتے ہیں۔