بھارت میں دہلی یونیورسٹی کی اسسٹنٹ پروفیسر دیبوسمیتا پال اپنے فلیٹ سے مردہ حالت میں برآمد ہوئی ہیں، جس کے بعد پولیس نے واقعے کی تحقیقات شروع کر دی ہیں۔
پولیس کے مطابق پروفیسر اکیلی رہائش پذیر تھیں جبکہ ان کے شوہر بنگلورو میں مقیم ہیں۔ واقعے کا انکشاف اس وقت ہوا جب ان کی بہن بار بار رابطے میں ناکامی کے بعد فلیٹ پہنچی اور دروازہ توڑ کر اندر داخل ہوئی۔
ابتدائی تفتیش میں خاتون کے سر پر گہرے زخم اور کلائیوں پر نشانات پائے گئے ہیں، جس کے بعد لاش کو پوسٹ مارٹم کے لیے منتقل کر دیا گیا۔ پولیس کا کہنا ہے کہ گھر سے نقدی اور قیمتی اشیاء محفوظ ملی ہیں، اس لیے ابتدائی طور پر واردات کا مقصد ڈکیتی معلوم نہیں ہوتا۔
پولیس نے مقدمہ درج کرکے مختلف پہلوؤں سے تحقیقات کا آغاز کر دیا ہے تاکہ واقعے کی اصل وجوہات سامنے لائی جا سکیں۔