پشاور میں گھریلو جھگڑا خونی تصادم میں بدل گیا، دو بھائی جان سے گئے

پشاور کے علاقے ناصر باغ میں معمولی تنازع سنگین سانحے میں تبدیل ہوگیا، جہاں ایک شخص نے مبینہ طور پر اپنے دو بھائیوں کو فائرنگ کرکے قتل کر دیا۔

پولیس کے مطابق واقعہ تلخ کلامی کے بعد پیش آیا، جبکہ ابتدائی تحقیقات میں یہ بات سامنے آئی ہے کہ ملزم نے مبینہ طور پر اپنے والد کی ہدایت پر یہ اقدام کیا۔

واقعے کے بعد ملزم اور اس کا والد موقع سے فرار ہوگئے۔ پولیس نے مقدمہ درج کرکے دونوں ملزمان کی تلاش شروع کر دی ہے اور مزید تفتیش جاری ہے۔