سابق آسٹریلوی وکٹ کیپر بیٹر این ہیلی نے اپنی ٹیم کے بلے بازوں کی کارکردگی پر سوال اٹھاتے ہوئے کہا ہے کہ آسٹریلوی کھلاڑی اسپن بولنگ کے خلاف مؤثر حکمت عملی اپنانے میں ناکام دکھائی دیتے ہیں۔
انہوں نے کہا کہ موجودہ دور میں ون ڈے کرکٹ میں بیٹرز صبر سے کھیلنے کے بجائے جلدی رنز بنانے اور زیادہ باؤنڈریز لگانے کی کوشش کرتے ہیں، جس کا نقصان ٹیم کو اٹھانا پڑتا ہے۔
این ہیلی کے مطابق پاکستان کے اسپنرز کا سامنا کرتے وقت قدموں کا درست استعمال اور مثبت انداز میں کھیلنا ضروری ہوتا ہے۔ انہوں نے سابق آسٹریلوی بیٹر ڈین جونز کی مثال دیتے ہوئے کہا کہ وہ اسپنرز کا دباؤ اپنی جارحانہ اور ذہانت بھری بیٹنگ سے ختم کر دیتے تھے۔