ڈنمارک میں طویل سیاسی مشاورت کے بعد سوشل ڈیموکریٹ رہنما میٹے فریڈرکسن نے نئی اقلیتی حکومت تشکیل دے دی، جس کے ساتھ ہی وہ مسلسل تیسری مرتبہ وزیرِاعظم منتخب ہو گئی ہیں۔
عام انتخابات میں کسی جماعت کو واضح اکثریت نہ ملنے کے باعث حکومت سازی کا عمل کئی ہفتوں تک جاری رہا، جس کے بعد مختلف سیاسی جماعتوں کے درمیان اتفاقِ رائے پیدا ہوا۔
نئی حکومت کو گرین لینڈ کے معاملے پر امریکا کے ساتھ بڑھتی کشیدگی اور یورپ کی بدلتی سیکیورٹی صورتحال جیسے اہم چیلنجز کا سامنا ہوگا، جبکہ دفاعی تیاریوں کو مزید مضبوط بنانے پر بھی توجہ دی جا رہی ہے۔