فیفا کی تازہ ورلڈ رینکنگ میں فرانس ایک بار پھر پہلے نمبر پر آ گیا ہے، جس نے 2018 کے بعد پہلی مرتبہ ٹاپ پوزیشن حاصل کی۔
نئی درجہ بندی کے مطابق اسپین دوسرے اور ارجنٹینا تیسرے نمبر پر موجود ہیں، جبکہ پرتگال ایک درجہ بہتری کے بعد پانچویں اور برازیل چھٹے نمبر پر ہے۔
ٹاپ 50 ٹیموں میں ترکیہ، آئیوری کوسٹ، سویڈن اور تیونس نے نمایاں ترقی کی، جبکہ ویتنام نے 9 درجے چھلانگ لگا کر سب سے زیادہ بہتری دکھائی۔
دوسری جانب ورلڈ کپ 2026 کے لیے کوالیفائی کرنے والی 48 ٹیموں میں سے 37 ٹاپ 50 میں شامل ہیں، تاہم اٹلی، ڈنمارک اور نائجیریا ٹاپ 30 میں ہونے کے باوجود ایونٹ سے باہر ہو گئی ہیں۔
پاکستان کو میانمار کے خلاف شکست کے بعد نقصان اٹھانا پڑا اور قومی ٹیم رینکنگ میں تنزلی کے بعد 202 ویں نمبر پر آ گئی ہے۔