کراچی میں جاری غیر اعلانیہ لوڈشیڈنگ کے باعث الیکٹرک بس سروس جزوی طور پر متاثر ہونے لگی ہے۔ پیپلز بس سروس انتظامیہ کے مطابق ای وی 1، ای وی 3 اور آر ون پنک بس کے روٹس عارضی معطلی کا شکار ہو سکتے ہیں۔
انتظامیہ کا کہنا ہے کہ مہران ڈپو میں گزشتہ تین روز سے بجلی کی فراہمی بند ہے، جس کی وجہ سے الیکٹرک بسوں کے بجائے ہائبرڈ بسیں چلائی جا رہی تھیں۔ اگر بجلی بحال نہ ہوئی تو متعلقہ روٹس پر سروس روکنا پڑ سکتی ہے۔
متاثرہ روٹس میں ملیر کینٹ سے سی ویو، نمائش اور کھوکھرا پار سے ڈاکیارڈ جانے والی بسیں شامل ہیں۔