سعودی ولی عہد و وزیراعظم شہزادہ محمد بن سلمان سے پیر کو سپین کے بادشاہ فلپ، ازبکستان کے صدر شوکت مرزیوف اور موریطانیہ کے صدر محمد ولد الشیخ الغزوانی نے ٹیلی فون پر رابطہ کیا۔
سپین کے بادشاہ نے سعودی عرب کے ساتھ یکجہتی کا اظہار کرتے ہوئے مملکت کی خود مختاری اور سلامتی کے تحفظ کے اقدامات کی حمایت کی۔
ازبکستان کے صدر نے خطے میں جاری فوجی کشیدگی پر بات کی، سعودی عرب کے خلاف ایرانی حملوں کی مذمت کی اور یکجہتی و تعاون کا اعادہ کیا۔
موریطانیہ کے صدر نے بھی علاقائی سلامتی کی سنگین صورتحال پر تبادلہ خیال کیا اور سعودی عرب کی خود مختاری اور حفاظت کے لیے اٹھائے گئے اقدامات کی مکمل حمایت کی۔