پاکستانی شوبز کی معروف اداکارہ و میزبان ندا یاسر نے اپنی خوشگوار ازدواجی زندگی کا راز شیئر کیا۔ عید کے موقع پر ایک لائیو شو میں گفتگو کرتے ہوئے انہوں نے بتایا کہ ان کی شادی کو 24 سال ہو چکے ہیں اور چھوٹی موٹی لڑائیاں دراصل خوشگوار ازدواجی زندگی کا حصہ ہیں۔
ندا یاسر کے مطابق، لڑنا اور پھر صلح کر لینا رشتے کو تازگی دیتا ہے۔ شریکِ حیات کو منانا اور راضی کرنا ازدواجی زندگی میں نیا پن لے آتا ہے اور رشتے کو مضبوط بناتا ہے۔
واضح رہے کہ ندا یاسر اور اداکار و ہدایت کار یاسر نواز پاکستانی شوبز کی کامیاب جوڑیوں میں شمار ہوتے ہیں اور ان کے تین بچے ہیں۔