بالی ووڈ اداکار ابھیشیک بچن نے بتایا کہ انہوں نے تنقید کو سمجھنے اور اس سے سیکھنے کا اپنا طریقہ بدل لیا ہے، جو ان کے کیرئیر کو بہتر بنانے میں مددگار ثابت ہوا۔
اداکار کے مطابق پہلے وہ ناقدین کو منفی نظر سے دیکھتے تھے، لیکن اب وہ انہیں رہنما کے طور پر دیکھتے ہیں اور سمجھتے ہیں کہ تعمیری تنقید سے فنکار کو ترقی حاصل ہوتی ہے۔ ابھیشیک بچن نے کہا کہ سمجھدار فنکار تنقید کو نظر انداز نہیں کرتا بلکہ اسے اپنی کارکردگی بہتر بنانے کے لیے استعمال کرتا ہے۔
ابھیشیک بچن نے 26 سال پہلے فلم ریفوجی سے بالی ووڈ میں قدم رکھا اور ان کی معروف فلموں میں بنٹی اور ببلی، دھوم سیریز، گرو، سرکار اور کبھی الوداع نہ کہنا شامل ہیں۔