شاہین شاہ آفریدی نے کہا ہے کہ لاہور قلندرز کے لیے گزشتہ چار سے پانچ سال انتہائی کامیاب رہے ہیں۔ ان کے مطابق ٹیم نے نہ صرف اچھی کارکردگی دکھائی بلکہ نئے کھلاڑیوں کو سامنے لانے میں بھی اہم کردار ادا کیا۔
انہوں نے بتایا کہ ٹیم پی ایس ایل سے قبل کیمپس اور ٹرائلز کے ذریعے ملک بھر سے ٹیلنٹ تلاش کرتی ہے، جس کے باعث کئی کھلاڑی قومی سطح تک پہنچے۔ شاہین آفریدی کا کہنا تھا کہ اس سیزن میں بھی نئے مقامی اور غیر ملکی کھلاڑی شامل ہوئے ہیں اور شائقین کو مزید دلچسپ مقابلے دیکھنے کو ملیں گے۔