امریکی صدر ڈونلڈ ٹرمپ نے ایران کے خلاف کارروائی کو ناگزیر قرار دیتے ہوئے کہا ہے کہ اگر امریکا اور اسرائیل نے اقدام نہ کیا ہوتا تو صورتحال تیسری عالمی جنگ تک پہنچ سکتی تھی۔ ان کے مطابق ایران تیزی سے جوہری ہتھیار حاصل کرنے کے قریب تھا، جسے روکنا ضروری تھا۔
انہوں نے سابقہ جوہری معاہدے پر بھی تنقید کرتے ہوئے اسے خطرناک قرار دیا اور دعویٰ کیا کہ بروقت کارروائی نے بڑے عالمی بحران کو ٹال دیا۔
دوسری جانب ایران نے ان الزامات کو مسترد کرتے ہوئے مؤقف اختیار کیا ہے کہ وہ جوہری ہتھیار حاصل کرنے کی کوشش نہیں کر رہا اور اس کی کارروائیاں صرف دفاعی نوعیت کی ہیں۔