وفاقی وزیرِ خزانہ محمد اورنگزیب نے کہا ہے کہ فائیو جی اسپیکٹرم کی نیلامی کے حوالے سے حکومتی کوششیں کامیاب ہو گئی ہیں اور اس عمل کا باقاعدہ آغاز کر دیا گیا ہے۔ اسلام آباد میں منعقدہ تقریب میں وزیر آئی ٹی شزا فاطمہ، وزیر اطلاعات عطا تارڑ اور چیئرمین پی ٹی اے حفیظ الرحمان بھی موجود تھے۔
تقریب سے خطاب میں وزیر خزانہ نے کہا کہ آئی ٹی کے شعبے کے لیے یہ اہم پیش رفت ہے اور حکومت معیشت کی بہتری کے لیے اقدامات کر رہی ہے۔ ان کے مطابق بلاک چین اور مصنوعی ذہانت جیسی نئی ٹیکنالوجیز کی جانب پیش رفت سے آئی ٹی برآمدات میں اضافہ متوقع ہے۔
پی ٹی اے نے نیلامی کے لیے 600 میگا ہرٹس اسپیکٹرم پیش کیا ہے جبکہ پہلے مرحلے کی بولی 60 منٹ تک جاری رہے گی، جس میں تین ٹیلی کام کمپنیاں حصہ لے رہی ہیں۔