پاکستانی اداکارہ طوبیٰ انور نے شوبز انڈسٹری میں انٹری کے بارے میں بتاتے ہوئے کہا کہ ابتدا میں وہ پروڈکشن کے شعبے میں کام کر رہی تھیں، جہاں ان کی ملاقات مرحوم ڈاکٹر عامر لیاقت حسین سے ہوئی جو بعد میں رشتہ ازدواج میں بدل گئی۔
اداکارہ نے بتایا کہ انہوں نے خود کبھی کسی پروڈکشن ہاؤس سے رابطہ نہیں کیا، بلکہ ہمایوں سعید کے پروڈکشن ہاؤس کی ایک خاتون نے انہیں آڈیشن کے لیے ترغیب دی۔ اسی آڈیشن کی بنیاد پر طوبیٰ انور کو اداکاری کا موقع ملا اور اس کے بعد وہ مختلف ڈراموں میں مسلسل کام کر رہی ہیں۔