ایک اعلیٰ ایرانی فوجی اہلکار نے خبردار کیا ہے کہ اگر اسرائیل یا امریکا نے ایران میں حکومت کی تبدیلی کی کوشش کی تو اس کا سخت اور فوری جواب دیا جائے گا۔
میڈیا رپورٹس کے مطابق ایرانی عہدیدار کا کہنا ہے کہ کسی بھی بیرونی مداخلت کو ایران اپنی خودمختاری پر حملہ تصور کرے گا اور اس کے خلاف فیصلہ کن کارروائی کرے گا۔
انہوں نے اسرائیل کے دیمونا جوہری ری ایکٹر کا ذکر کرتے ہوئے کہا کہ ایران کے پاس اہم تنصیبات کو نشانہ بنانے کی صلاحیت موجود ہے۔
ان کے مطابق اگر ایران پر جنگ مسلط کی گئی یا رجیم چینج کی کوشش کی گئی تو اس کے نتائج سنگین ہو سکتے ہیں، اور ایران اپنے قومی مفادات اور سیاسی نظام کے دفاع کے لیے ہر ممکن قدم اٹھائے گا۔