گلگت میں عائد کیا گیا کرفیو رات بارہ بجے ختم کر دیا گیا، جس کے بعد شہر میں معمولاتِ زندگی بحال ہونا شروع ہو گئے ہیں۔ حکومتی ترجمان کے مطابق سرکاری دفاتر اور بینک آج سے کھلے رہیں گے، تاہم تمام سرکاری اور نجی تعلیمی ادارے 8 مارچ تک بند رہیں گے۔
انتظامیہ نے امن و امان کی صورتحال کو مدنظر رکھتے ہوئے ہر قسم کے جلوس، ریلی اور عوامی اجتماع پر پابندی عائد کر دی ہے۔
دوسری جانب پی ایچ کیو اسپتال میں زیر علاج ایک زخمی بچے کے انتقال کے بعد احتجاجی واقعات میں جاں بحق افراد کی تعداد 9 ہو گئی ہے، جبکہ 11 زخمی افراد اب بھی زیر علاج ہیں۔