سعودی عرب کی کابینہ نے ایران کی حالیہ جارحانہ کارروائیوں کو “صریح اور بزدلانہ” قرار دیتے ہوئے کہا ہے کہ مملکت اپنی سرزمین اور شہریوں کے تحفظ کے لیے ہر ضروری اقدام کرے گی۔
کابینہ اجلاس میں ولی عہد و وزیراعظم محمد بن سلمان کی صدارت میں:
-
ایران کے حملوں کا جواب دینے کا مکمل حق محفوظ رکھنے پر زور دیا گیا۔
-
برادر اور دوست ممالک کے ساتھ یکجہتی اور سپورٹ کا اعادہ کیا گیا۔
-
ریاض اور الخرج کے قریب آٹھ ڈرونز کو فضائی دفاع کے ذریعے تباہ کیا گیا، جبکہ امریکی سفارت خانے کو دو ڈرونز سے محدود نقصان پہنچا۔
-
خلیجی شہریوں کی مملکت میں حفاظت اور محفوظ واپسی کو یقینی بنانے کے اقدامات کا جائزہ لیا گیا۔
-
توانائی، بدعنوانی کی روک تھام اور بین الاقوامی تعاون کے شعبوں میں مفاہمت کی یادداشتیں منظور کی گئیں۔
کابینہ نے علاقائی و بین الاقوامی سلامتی اور استحکام کے لیے متحدہ محاذ قائم رکھنے پر بھی زور دیا۔