Bengaluru میں ایک سابق آئی ٹی پروفیشنل خاتون نے مبینہ گھریلو تنازعات سے دلبرداشتہ ہو کر اپنی زندگی کا خاتمہ کر لیا۔ متوفیہ کی شناخت سشما کے نام سے ہوئی ہے۔
بھارتی میڈیا رپورٹس کے مطابق سشما اور ان کی ساس کے درمیان گھریلو معاملات، خاص طور پر کھانا پکانے سے متعلق اختلافات پر اکثر تلخ کلامی رہتی تھی۔ اہلِ خانہ کا الزام ہے کہ انہیں اپنی مرضی سے باورچی خانے میں کام کرنے اور پسندیدہ کھانا تیار کرنے کی اجازت نہیں دی جاتی تھی، جس کے باعث وہ شدید ذہنی دباؤ میں تھیں۔
واقعے کے بعد پولیس نے مقدمہ درج کر کے تحقیقات کا آغاز کر دیا ہے۔ حکام کا کہنا ہے کہ شواہد جمع کیے جا رہے ہیں اور دونوں خاندانوں کے بیانات قلم بند کر لیے گئے ہیں۔ پوسٹ مارٹم رپورٹ اور مکمل تفتیش کے بعد ہی اصل حقائق سامنے آ سکیں گے۔