سہ ماہی ایڈجسٹمنٹ کے تحت بجلی کی قیمت میں اضافہ

کراچی سمیت ملک بھر کے صارفین کے لیے بجلی 35 پیسے فی یونٹ مہنگی کر دی گئی ہے۔ یہ اضافہ سہ ماہی ایڈجسٹمنٹ کی مد میں کیا گیا ہے، جس کا اطلاق مارچ سے مئی 2026 تک تین ماہ کے لیے ہوگا۔

حکام کے مطابق اس فیصلے سے صارفین پر 8 ارب 67 کروڑ روپے سے زائد کا اضافی بوجھ پڑے گا۔ اس حوالے سے نیشنل الیکٹرک پاور ریگولیٹری اتھارٹی (نیپرا) نے اپنا فیصلہ وفاقی حکومت کو ارسال کر دیا ہے۔

یاد رہے کہ اس سے قبل جولائی تا ستمبر 2025 کی سہ ماہی ایڈجسٹمنٹ میں بھی بجلی کی قیمت میں 33 پیسے فی یونٹ اضافہ کیا گیا تھا۔