ایک امریکی اخبار نے دعویٰ کیا ہے کہ ’آپریشن غضب للحق‘ کے تحت پاکستان نے افغانستان کے اہم فوجی مرکز بگرام ایئر بیس کو نشانہ بنایا۔ رپورٹ کے مطابق اس کارروائی میں ایک ایئرکرافٹ ہینگر اور دو گودام تباہ ہوئے، جن کی مبینہ سیٹلائٹ تصاویر بھی جاری کی گئی ہیں۔
اخبار کا کہنا ہے کہ پاکستان نے ایک ہفتے کے دوران افغانستان میں مختلف فوجی اہداف پر پچاس سے زائد فضائی حملے کیے۔ رپورٹ میں یہ بھی دعویٰ کیا گیا کہ افغانستان میں شدت پسند عناصر کی موجودگی سے متعلق شواہد اقوامِ متحدہ کی رپورٹس میں پیش کیے جا چکے ہیں۔
تاہم اس خبر پر متعلقہ حکام کی جانب سے باضابطہ مؤقف سامنے آنا باقی ہے۔