برطانوی روزنامہ Financial Times نے رپورٹ دی ہے کہ امریکی صدر ڈونلڈ ٹرمپ کے پاس ایران کے مستقبل کے حوالے سے کوئی واضح حکمت عملی موجود نہیں ہے۔
اخبار کے مطابق ایران میں رجیم چینج کی کوششیں صرف فضائی حملوں تک محدود ہیں، جبکہ زمینی فوج کی عدم موجودگی کے باعث عملی منصوبہ بندی غیر واضح ہے۔ فنانشل ٹائمز نے بتایا کہ پاسدارانِ انقلاب کو ہتھیار ڈالنے کی ہدایت دی گئی، مگر طویل جنگ کی صورت میں خلیجی ریاستوں میں عدم استحکام کا خدشہ موجود ہے، اور امریکی عوام میں بھی صرف 27 فیصد لوگ ایران پر فوجی کارروائی کے حامی ہیں۔
ٹرمپ نے اپنے ویڈیو پیغام میں دعویٰ کیا کہ ایران کی فوجی کمان مکمل طور پر کمزور ہو گئی ہے، کئی اہلکار ہتھیار ڈالنا چاہتے ہیں، اور پاسدارانِ انقلاب کی تنصیبات، فضائی دفاعی نظام، 9 بحری جہاز اور ایرانی بحریہ کی عمارت کو نشانہ بنایا جا چکا ہے۔ انہوں نے مزید کہا کہ فوجی آپریشن تب تک جاری رہے گا جب تک اہداف حاصل نہ ہو جائیں۔