سابق وزیراعظم اور پاکستان مسلم لیگ ق کے سربراہ چوہدری شجاعت حسین سے تحریک انصاف کے رکن قومی اسمبلی ریاض فتیانہ نے ملاقات کی، جس میں صوبائی وزیر صنعت و تجارت چوہدری شافع حسین بھی موجود تھے۔ ملاقات میں ملکی سیاسی صورتحال، باہمی دلچسپی کے امور اور پنجاب میں سرمایہ کاری کے فروغ پر بات چیت ہوئی۔ چوہدری شجاعت حسین نے کہا کہ حکومت کی کوششوں سے پاکستان معاشی استحکام کی جانب بڑھ رہا ہے اور ملک کی ترقی اور عوام کی خوشحالی کے لیے سب کو مل کر کام کرنا ہوگا۔ ریاض فتیانہ نے چوہدری شجاعت حسین کو ایک مدبر سیاستدان اور عوامی خدمت کرنے والا شخص قرار دیا اور مستقبل میں رابطے جاری رکھنے پر اتفاق کیا۔
چوہدری شجاعت حسین سے ریاض فتیانہ کی ملاقات، ملکی سیاسی اور اقتصادی صورتحال پر تبادلہ خیال
