وفاقی وزیر چوہدری سالک حسین نے کوہاٹ میں پولیس موبائل پر ہونے والے دہشتگرد حملے کی شدید مذمت کرتے ہوئے شہید ہونے والے ڈی ایس پی واحد محمود، دیگر پولیس اہلکاروں اور ایک شہری کے اہلِ خانہ سے اظہارِ تعزیت کیا۔ انہوں نے کہا کہ سیکیورٹی فورسز کے بہادر جوانوں نے اپنی جانوں کا نذرانہ دے کر ملک و قوم کا دفاع کیا۔ وفاقی وزیر نے شہداء کے درجات کی بلندی، لواحقین کے لیے صبر جمیل اور زخمیوں کی جلد صحتیابی کی دعا کرتے ہوئے اس عزم کا اظہار کیا کہ دہشتگردی کے خلاف جنگ میں پوری قوم اپنی سیکیورٹی فورسز کے ساتھ کھڑی ہے۔
