العلا میں رمضان المبارک کے دوران سائیکلنگ ٹریکس نوجوانوں اور بزرگوں میں غیر معمولی مقبولیت حاصل کر رہے ہیں۔ مختلف عمروں کے لوگ جسمانی فٹنس کے لیے اس منفرد تجربے کو ترجیح دے رہے ہیں۔
العلا رائل کمیشن نے معاشرے میں کھیلوں کو فروغ دینے اور معیارِ زندگی بلند کرنے کے لیے واکنگ اور سائیکلنگ کے متعدد ٹریکس تعمیر کیے ہیں۔ یہ ٹریکس خوبصورت قدرتی مناظر، چٹانی پہاڑیوں اور ریت کے ٹیلوں کے درمیان سے گزرتے ہیں، جس سے سائیکل سوار قدرتی ماحول سے لطف اندوز ہوتے ہیں۔
کمشنری کے مطابق واکنگ ٹریکس کی مجموعی لمبائی 40 کلو میٹر سے زائد ہے، اور رمضان میں لوگ باقاعدگی سے واک اور سائیکلنگ کر کے جسمانی فٹنس کو برقرار رکھتے ہیں۔
العلا رائل کمیشن کھیلوں کے شعبے کی ترقی کے لیے جامع منصوبوں پر عمل پیرا ہے اور سائیکلنگ و واکنگ کے علاوہ دیگر سپورٹس سرگرمیوں پر بھی توجہ دی جا رہی ہے۔