دہری شہریت رکھنے والوں کے لیے برطانیہ میں داخلے کے نئے ضوابط

برطانیہ (United Kingdom) میں بدھ کے روز سے دہری شہریت رکھنے والے افراد کے لیے نئے داخلہ قواعد نافذ کیے جا رہے ہیں۔ 25 فروری کے بعد ایسے افراد جن کے پاس برطانوی پاسپورٹ موجود نہیں ہوگا، انہیں ملک میں داخلے سے روکا جا سکتا ہے۔

رپورٹس کے مطابق دہری شہریت کے حامل مسافروں کو برطانیہ میں داخلے کے لیے برطانوی پاسپورٹ، ویزا یا متعلقہ سرٹیفکیٹ حاصل کرنا لازمی ہوگا۔ اگر کسی فرد کے پاس برطانوی پاسپورٹ نہ ہو تو اسے الیکٹرانک سفری اجازت نامہ (Electronic Travel Authorization) یا حقِ شہریت کا سرٹیفکیٹ پیش کرنا ضروری ہوگا۔

نئے الیکٹرانک اجازت نامے کے تحت افراد سیاحت یا اہلِ خانہ سے ملاقات کی غرض سے زیادہ سے زیادہ چھ ماہ تک برطانیہ میں قیام کر سکیں گے۔ تاہم حکام نے خبردار کیا ہے کہ نئے قواعد پر عمل نہ کرنے کی صورت میں مسافروں کو داخلے کے دوران مشکلات کا سامنا کرنا پڑ سکتا ہے۔