پاکستانی شوبز کی معروف اداکارہ صبا فیصل کی رمضان روٹین نے سوشل میڈیا پر مداحوں میں ایک نئی بحث چھیڑ دی ہے۔ حال ہی میں وہ ایک نجی ٹی وی چینل کے رمضان اسپیشل پروگرام میں مہمان کے طور پر شامل ہوئیں اور افطار کی تیاریوں پر بات کی۔
صبا فیصل نے بتایا کہ وہ دوپہر 12 بجے فروٹ چاٹ میں چاٹ مصالحہ شامل کر کے اسے ایئر ٹائٹ باکس میں محفوظ کر لیتی ہیں، تاکہ افطار سے کئی گھنٹے پہلے ہی تیار ہو جائے۔ ان کے اس انکشاف کے بعد صارفین نے مختلف ردعمل ظاہر کیے۔
کچھ صارفین نے ان کے تیار کرنے کے وقت پر اعتراض کیا، ایک نے طنزیہ لکھا کہ “سحری میں ہی بنا کر رکھ دیا کریں”، جبکہ دیگر نے ان کے اندازِ تیاری پر ہلکی پھلکی تنقید کی اور کہا کہ “ان کی باتوں سے لگتا ہے یہ 200 سال پرانی خاتون ہیں”۔