ثانوی تعلیمی بورڈ کراچی نے سالانہ امتحانات 2026ء کے لیے جماعت نہم اور دہم کی جوابی کاپی تبدیل کر دی ہے۔
بورڈ کے مطابق رواں سال سے امتحانات OMR (E-Answerbook) کاپی پر لیے جائیں گے، جس کی تمام تیاری مکمل کر لی گئی ہے۔ نئی امتحانی کاپی بورڈ کی آفیشل ویب سائٹ پر بھی اپ لوڈ کر دی گئی ہے۔
تمام اسکولوں کے سربراہان کو ہدایت کی گئی ہے کہ وہ طلبہ کے بہترین مفاد میں نئی کاپی ڈاؤن لوڈ کر کے نہم و دہم کے طلبہ کو اس پر باقاعدہ پریکٹس کروائیں۔
بورڈ کا کہنا ہے کہ پریکٹس کے ذریعے طلبہ کو امتحان کے دوران ٹائٹل صفحہ پُر کرنے اور سوالات کے جوابات حل کرنے میں کسی قسم کی دشواری کا سامنا نہیں کرنا پڑے گا۔