سندر انڈسٹریل اسٹیٹ میں منعقد ہونے والی تین روزہ سندر انڈسٹریل ایکسپو 2026 کا باقاعدہ افتتاح صوبائی وزیر صنعت و تجارت چوہدری شافع حسین نے کیا۔ اس میگا ایونٹ میں 500 سے زائد صنعتی اسٹالز قائم کیے گئے ہیں جہاں جدید ٹیکنالوجی، پیداواری صلاحیتوں اور سرمایہ کاری کے مواقع کو اجاگر کیا جا رہا ہے۔ حکومت پنجاب کی نئی صنعتی پالیسی کے تحت سرمایہ کاروں کو طویل المدتی لیز، بزنس فسیلیٹیشن سینٹرز اور بلاسود قرضہ اسکیم جیسی سہولیات فراہم کی جا رہی ہیں۔ ماہرین کے مطابق یہ ایکسپو صوبے میں صنعتی ترقی، روزگار کے مواقع اور معاشی استحکام کے فروغ میں اہم سنگ میل ثابت ہوگی۔
