عکاشہ گل اپنی زندگی کی مشکلات بیان کرتے ہوئے جذباتی ہو گئیں

پاکستان کی میزبان و گلوکارہ عکاشہ گل نے ایک پوڈکاسٹ میں اپنی زندگی کی مشکلات کا ذکر کرتے ہوئے جذباتی ہو گئیں۔
انہوں نے بتایا کہ بچپن میں وہ ایک کچے گھر میں رہتی تھیں، جس کی چھت اور بنیاد مٹی کی تھی اور بار بار مرمت کی ضرورت پڑتی تھی۔ باوجود غربت کے، ان کے گھر میں ہمیشہ کھانے پینے کی اشیاء موجود رہتی تھیں۔
عکاشہ نے کہا کہ برسوں کی جدوجہد کے بعد اب ان کا چھوٹا سا پکا گھر ہے اور وہ اللہ تعالیٰ کی نعمتوں کی شکر گزار ہیں۔
عکاشہ گل شوبز میں مستیاں، خبرناک اور شو ٹائم ود رمیز راجہ جیسے پروگراموں کے ذریعے مقبول ہوئیں اور یوٹیوب پر بھی ان کے 1 لاکھ 14 ہزار سے زائد سبسکرائبرز ہیں۔