آج کشمیری عوام کی لازوال جدوجہدِ آزادی کے ساتھ بھرپور یکجہتی کے اظہار کا دن ہے۔ گزشتہ کئی دہائیوں سے کشمیری عوام اپنے حقِ خودارادیت کے لیے بے مثال قربانیاں دے رہے ہیں، جنہیں کبھی فراموش نہیں کیا جا سکتا۔ پاکستان کا مؤقف ہمیشہ واضح اور دوٹوک رہا ہے کہ مسئلہ کشمیر کا منصفانہ، پائیدار اور دیرپا حل صرف اقوامِ متحدہ کی قراردادوں اور کشمیری عوام کی خواہشات کے مطابق ہی ممکن ہے۔ بھارت کی جانب سے جاری مظالم کشمیری عوام کے حوصلے پست نہیں کر سکتے، اور پاکستان ہر سطح پر کشمیری بہن بھائیوں کی اخلاقی، سفارتی اور سیاسی حمایت جاری رکھے گا۔
