وفاقی وزیر چوہدری سالک حسین نے جدہ میں پاکستان کے نو تعمیر شدہ قونصلیٹ جنرل کا دورہ کیا، جہاں انہیں اوورسیز پاکستانیوں کو فراہم کی جانے والی سہولیات، ویلفیئر خدمات اور انتظامی امور پر تفصیلی بریفنگ دی گئی۔ اس موقع پر قونصل جنرل سید مصطفیٰ ربانی، ہیڈ آف چانسری غلام حسین، کمیونٹی ویلفیئر اتاشی ازکا ظفر رانا اور عاکف اقبال بھی موجود تھے۔ وفاقی وزیر نے قونصلیٹ کی نئی عمارت اور جدید سہولیات کو سراہتے ہوئے کہا کہ بیرونِ ملک مقیم پاکستانیوں کو بہتر، تیز اور مؤثر خدمات کی فراہمی حکومت کی اولین ترجیح ہے۔
