الاحسا بشت فیسٹیول، عرب ثقافت اور ورثے کی جھلک

سعودی ہیرٹیج کمیشن نے الاحسا میں تاریخی ابراہیم پیلس میں بشت فیسٹیول کا آغاز کیا ہے، جو 11 دن جاری رہے گا۔ بشت مردوں کے روایتی لباس ثوب پر پہنا جانے والا جبہ ہے اور عرب ثقافت و ورثے کی علامت سمجھا جاتا ہے۔
فیسٹیول میں الاحسا کے منفرد بشت کی نمائش دستکاری ورکشاپس اور عرب ممالک کے پویلینز شامل ہیں۔ ہر روز شام چار سے رات گیارہ بجے تک وزیٹرز ثقافتی سرگرمیوں، تھیئٹر پرفارمنس اور انٹرایکٹیو تجربات سے لطف اندوز ہو سکتے ہیں۔
شرکاء بشت کی تاریخ اقسام بنائی سلائی اور رنگوں کے بارے میں تفصیلی معلومات حاصل کر سکتے ہیں۔ الاحسا کا علاقہ اپنی تاریخی اور ثقافتی بشت کی تیاری کے لیے مشہور ہے، جو کئی نسلوں سے چلتی آ رہی ہے۔